Sunday, May 29, 2011
యువకులారా పేదల, అజ్ఞానుల,పీడితుల పట్ల చూపవలిసిన సానుభూతిని మీకు సంక్రమింపచేస్తున్నాను..
దుస్థితిలో ఉన్నవారి కోసం పరితపించి
సహాయనికై ఎదురుచూస్తే, అది వచ్చే తీరుతుంది .
ఈ భారాన్ని నా హృదయంలో మోస్తూ,
ఈ భావాన్ని నా మనసులో నిలుపుకొని నేను
పన్నెండేళ్లు పయనించాను. ధనవంతులనబడే,
ఘనులనబడే వారి ఇంటింటికీ నేను వెళ్ళాను.
రక్తం స్రవిస్తున్న హృదయంతో ప్రపంచంలో
సగభాగాన్ని దాటి ఈ అన్య దేశానికి (అమెరికా )
సహాయార్ధం వచ్చాను. భగవంతుడు మహిమాన్వితుడు.
ఆయన సహాయం చేస్తాడని నాకు తెలుసు.
ఈ దేశంలో చలిని లేదా ఆకలిని తట్టుకోలేక నేను
నశించిపోవచ్చు. కానీ యువకులారా పేదల,
అజ్ఞానుల,పీడితుల పట్ల చూపవలిసిన
సానుభూతిని మీకు సంక్రమింపచేస్తున్నాను..
-స్వామి వివేకానంద.
Tuesday, May 24, 2011
Monday, May 23, 2011
చచ్చేవరకూ పనిచేయండి
చచ్చేవరకూ పనిచేయండి.
నేను మీతోనే వున్నాను .
నేను పోయిన తరువాత నా ఆత్మ మీతో
పనిచేస్తుంది!
ఈ జన్మ వస్తుంది, పోతుంది.
సంపదలు,పేరు ప్రతిష్టలు, సుఖ భోగాలు-
ఇవన్ని మూన్నాళ్ళ ముచ్చటలే.
ప్రాపంచిక విషయాలలో కొట్టుకునే
పురుగుల్లా చావడంకంటే, సత్యాన్ని భోదిస్తూ,
భాద్యతను నెరవేరుస్తూ మరణించడం
చాలా, చాలా మేలు ..
-స్వామి వివేకానంద
Saturday, May 21, 2011
దాతృత్వాన్ని మించిన సుగుణం లేదు
దాతృత్వాన్ని మించిన సుగుణం లేదు.
సర్వం గ్రహిస్తూ ఎవడు తన చేతిని
ముడుచుకొంటాడో వాడే అత్యల్పుడు.
ఇస్తూ ఎవడు తన చేతిని చాచుతాడో
వాడే అత్యధికుడు. సదా ఇవ్వడానికే
చెయ్యి సృజింపబడింది. పస్తుండి అయినా
నీ వద్ద వున్న పిడికెడు అన్నాన్ని పెట్టెయ్యి.
ఇతరులకి పెట్టడం వల్ల నువ్వు నిరాహారివై
మృతి చెందవలసి వస్తే, ఆ క్షణానే ముక్తుడవవుతావు.
తక్షణమే నువ్వు పరిపూర్ణుడవవుతావు.
భగవంతుడవవుతావు.
-స్వామి వివేకానంద.
Monday, May 9, 2011
దేశమే ఒక పుణ్యభూమి, ఒక తీర్ధయాత్రాస్థలం!"...
నేను విదేశాలనుండి తిరిగి వచ్చేటప్పుడు ఒక ఆంగ్లేయ
స్నేహితుడు,"స్వామీ! విలాసవంతమైన,తేజోవంతమైన,
శక్తివంతమైన ఈ పాశ్చాత్య దేశాలలో నాలుగేళ్ళపాటు
వున్న తరువాత,ఇప్పుడు మీ జన్మభూమిని గురుంచి మీరు
ఏమనుకుంటున్నారు?"అని ప్రశ్నించాడు. నేను దానికిలా
మాత్రమే జవాబివ్వగలిగాను: " నేను ఇక్కడికి
వచ్చేముందు భారతదేశాన్ని ప్రేమించాను. కానీ
ఇప్పుడు నాకు ఆ దేశపు దుమ్ముకూడా పరమపవిత్రంగా
తోస్తున్నది. అక్కడి గాలికూడా నాకు పవిత్రంగా
తోస్తున్నది. ఇప్పుడు నాకు ఆ దేశమే ఒక పుణ్యభూమి,
ఒక తీర్ధయాత్రాస్థలం!"...
స్వామి వివేకానంద...
Subscribe to:
Posts (Atom)